تحدي ال 29 يوم - ال10 ايام الثانية
مرحبا
صارلي هاي العشرة ايام اراجع كورس سي اس اس واتعلم لغة جافا سكربت وهدفي من بداية التحدي انو اخلص كورس CSS & HTML وقسم من لغة JS
الحمد لله قدرت انجز والتزم بالخطة حرفيا لان اني البارحة الساعة 12 خلصت , هاية اخر يومين تعبت اكثر من ايام التحدي كلها علمود ابقى ملتزم بالموعد , وبالنسبة للادوات والي استخدمتهن هن نفسهن بس عرفت موقع W3school وعرفت لعبة اسمها Flex Froggyتساعدك علمود تفهم الشغلات الي يحتاجلها مجهود هواية بالفهم بصورة لعبة وانت تكتب كود واذا الكود صح تقدر توصل للمرحلة الي بعدها
اللعبة الخاصة بال Flex Boxختمتها
Flex Froggy لعبة
تعلمت ان اقدر انجز اي شي اذا صدك عندي الرغبة الحقيقية حتى انجزه . اخر يومين بالتحدي كان عندي شغل مال 6 ايام . لان فاجئتني شوية مشاغل ومن كثر الظغط الي جان عندي طبكت التحدي على صفحة. و الكهرباء الي تخبل والانترنت الضعيف والحرارة مع ذلك قدرت اخلص الشغل كله بذني اليومين .وحاسس بشعور رضا وسعادة مو طبيعي مع العلم اني كنت اشتغل 12 ساعات كل يوم باخر يومين
هدفي حسب الخطة بنهاية هذا التحدي ان اخلص ربع كورس الجافا سكربت بس راح اغير هدفي وراح احاول اشتغل نفس الشغل الي اشتغلتة بهاي اليومين وعندي ثقه ان ممكن اخلص الكورس كامل وادعولي
اخر تمرين من تمرينات CSS
تعليقات
إرسال تعليق