تحدي ال29 يوم - ال10 ايام الاولى

مرحبا

اليوم العاشر من التحدي واني كل يومية جاي اتعلم 5 ساعات برمجة, و هدفي من التحدي هو ان اتعلم ذني الثلاث لغات الي هن HTML & CSS & JS هسه صار عاشر يوم من التحدي واني البارحة خلصت لغة ال واليوم جاي اراجعها يعني هسه اني مخلص قبل الموعد الي مخطط الة بيومCSS الكورس الي اخذته من موقع الزيرو وهاي الدورة على اليوتيوب وهاي التكليفات الي اطبق عليهن واعتقد اكثر شغلة اتعلمتها فادتني هي ان تعلمت اختصارات الويندوز واختصارات البرامج الي استخدمها بالبرمجة بحيث توفر عليه وقت مو طبيعي , و وصلت لمرحلة ان قدرت ابرمج ساعة تشتغل ومن الصفر برمجتها, كلش فخور بنفسي بهذا الانجاز

 هاي الساعة

طبعا ما حجيلكم عالتعب درجة الحرارة 50 والكهرباء كل شوية وطفت لو عطلت المولدة لو الواير انكطع والخمس ساعات تعلم يرادلي 8-10 ساعات يالة اخلصهن صح مرات اسوف بس هسه اني خلصت اول مرحلة من الخطة مالتي قبل يوم من الموعد وبالنسبة للوضع مال الحر والكهرباء يعني هذا انجاز عظيم اعتقد بنهاية التحدي مو بس راح احقق هدفي يجوز حتى اخلص من وكت واشتغل شوية على الخطة مال بعد التحدي ( ان شاء الله يبقى عندي هذا الحماس لنهاية التحدي ) بس الي ما جنت حاسب الة ان الكهرباء تنقطع هواي بالصيف بما ان بخطتي ما جنت حاسب للكهربء شلون راح اتعامل وية الوضع ؟ راح اكعد بال 5 الصبح واقسم وقت التحدي لقسمين من5 لل10 الصبح ومن ال4 لل6 العصر واذا ما خلصت اكمل بالليل ومخطط ان بال 10 ايام الجاية راح اخلص مراجعة لغة واخلص ثلث كورس لغة جافا سكربت CSS وبالاخير اقدم خالص الامتنان ل لاسامة الزيرو لان سوة هذا الكورس الي يخبل لمرتضى لان ذكرني بالبرمجة بعد ما جنت راح عايفها للمبردة لان لو ما هي جان متت من الحر

وهذا رابط الكود هذا التطبيق الي اكتب عليه الكود

 وهذا اخر تمرين حليتة على موقع Elzero Web School